“Yüksək bal toplayan abituriyentlər çıxılmaz vəziyyətə düşüblər” - Ekspert

BakuPost xəbər verir ki, bunu Təhsil eksperti Etibar Əliyev özünün feysbuk səhifəsində yazıb.

"Tibb Universitetinin qəbul planınında 200-dən çox yerin ixtisar olunması, təhsil haqqının 4000-4500 manata qaldırılması uşaqları çıxılmaz vəziyyətə salıb. Şəhər məktəblərini bitirib, 600-dən yuxarı bal toplayan abituriyentlərin böyük kəsimi elə düşünür ki, rayon məktəblərini bitirənlər yüksək təhsil haqqından imtina edəcəklər və nəticədə onların şansı artacaq. Qardaş Türkiyədə azı 30 universtetin Tibb ixtasaları bir-biriləri ilə rəqabət aparırlar. Ölkədə tibb ixtisasları ancaq Tibb Universitetində və Naxçıvan Dövlət Universitetində cəmlənib.  Abituriyentlər başqa ölkələrdə tibb ixtisasına daxil olmağın yollarını arayırlar. Demək olar ki, alternativ yoxdur. Alternativlər olmadığına görə rəqabət mühiti yoxa çıxır. Həkim olmaq istəyənlər Tibb Universitetinin rəhbərliyinin absurd qərarlarına tabe olmalıdırlar. Ölkədə İlahiyyat İnstitutu və Bakı İslam Universiteti fəaliyyət göstərir. Ancaq insanın sağlamlığının bir "əsas" Universiteti var. O da elə təhsil haqqı icad edib ki, kasıblar ora ayaq basa bilməzələr” – deyə ekspert qeyd edib.