Yarım milyondan çox qadın ayağa qalxdı - Trampa etiraz üçün birləşirlər

 

BakiPost.az xarici mətbuata istinadən xəbər verir ki, Avstraliya, Keniya, Hindistan, İngiltərə, Serbiya, Qana, Filippin, Yeni Zelandiya, Yaponiya, İndoneziya, Livan, Cənubi Afrika, Argentina, İspaniya, İsveç, İrlandiya, Almaniya, İtaliya, Çexiya və Amerikada yaşayan qadınlar dünya səviyyəsində etiraz aksiyası keçirməyə hazırlaşırlar. Məlumata görə "İrqçiliyə yox”, "Trampa xeyr” şüarları altında yarım milyondan çox qadın Amerikanın paytaxtı Vaşinqtonda birləşəcək. 

Nümayişə dünya şöhrətli müğənni Keti Perri, aktrisa Skarlet Yohansson və komediyaçı Emi Şumer də qoşulacaq.

İnsan hüquqlarının müdafiəsi üçün birləşən qadınların əllərində immiqrant və İslam əleyhdarı ABŞ-ın yeni dövlət başçısı Trampı tənqid edən plakatlar olacaq. 

Etiraz yürüşünə kişilərində qoşulması gözlənilir.

Qeyd edək ki, aksiyaya təkcə Vaşinqtondan yarım milyon insan qoşulacaq.