Türkiyənin Ardahan bölgəsində tikinti işləri üçün
aparılan qazıntılar zamanı ortaya maraqlı görüntülər çıxıb.
BakiPost.az yerli KİV-ə istinadən xəbər verir ki, təməl
qoymaq üçün qazıntı işləri həyata keçirilərkən üzərində xaç işarəsi olan tabut
tapılıb. Hadisə yerinə gələn polis təhlükəsizlik tədbirləri alıb. Daha sonra isə
Qars Muzeyinin səlahiyyətli şəxsləri gəlib. Torpaq altındakı tabutu çıxaran səalhiyyətli
şəxslər, orada rus generala aid olduğu ehtimal edilən skelet, çürümək üzrə olan
botinka və palto aşkarlayıb.
Qars Muzeyinin arxeoloqu Solaklıoğlu tabutla bağlı
açıqlama verərək, onun bir rus generala aid olma ehtimalını yüksək qiymətləndirib:"Apardığımız araşdırmada rusların 1878-ci ildən burada yerləşməsini nəzərə
alaraq, tabutun o dövrlərdə yaşamış bir rus generala aid olduğunu təxin edirik.
Tabutda dəyərli hər hansı əşya tapılmayıb”.
Bakı Post