Rusiyada KamAZ markalı yük avtomobili ilə VAZ markalı minik avtomobili toqquşub.
BakiPost.az-ın APA-ya istinadən məlumatına görə, hadisə Novorossiyskdə gecə saatlarında baş verib.
Qəza nəticəsində minik avtomobilində olan iki nəfər ağır xəsarət alıb. Onların Azərbaycan vətəndaşları olduğu bildirilir.
Qeyd olunur ki, VAZ-ın sürücüsü, 1987-ci il təvəllüdlü şəxs çoxsaylı bədən xəsarətləri və kəllə-beyin silkələnməsi travması ilə xəstəxanaya çatdırılıb. Onun sərnişininin (1991-ci il təvəllüdlü) də başından ağır zədə aldığı bildirilir.
Faktla bağlı araşdırma aparılır.
Bakı Post