Ronaldo "keçi" saqqalı ilə nə demək istəyir? - Messiyə “saqqallı qol”

659
Kriştiano Ronaldo və Leonel Messinin bir–birinə rəqib olması aydın məsələdir. Düzdür, bu iki futbol ulduzunun rəqibliyi daha çox oyun meydanlarında özünü göstərir. Amma, deyəsən , rəqabət başqa sahələrə də, sirayət edib. İndi Ronaldo və Messinin təkcə vurduqları qollar, göstərdikləri oyun yox, həm də onların saç düzümü, geyimləri, hətta, saqqalları da müzakirə oyektinə çevrilib.

BakuPost xəbər verir ki, goal.az hər şeyi aydınlaşdırmaq üçün qeyd olunanları ardıcıllıqla düzüb:

1. Leonel Messinin özünü meydançada "yüngül" aparması, sürətli maneraları - keçi və ya çəpiş kimi - ilə diqqətdən yayınmamışdı. Bü cür davranışa görə, onu G.O.A.T (Greatest of All Time - bütün zamanların ən yaxşısı) adlandırırlar.
 
 
2. Dünya çempionatından bir müddət əvvəl "Paper” jurnalı və "Adidas” şirkəti Messinin keçilərlə bir yerdə maraqlı fotosessiyasını da təşkil etmişdi.

3. Dünya çempionatının birinci oyununda Argentina millisi İslandiya yığmasına qarşı oynadı ( 1:1) . Oyun zamanı reklam çarxında "adidas” şirkətinin G.O.A.T. sözü yazılmış reklamı nümayiş olunurdu. Fonda isə keçi şəkli yer almışdı.
 
 
4. Kriştiano Ronaldo İspaniya yğmasının qapısına vurduğu qollardan birini çənəsini tumarlamaqla qeyd etdi. Bu, Messinin ("keçinin”) saqqalına bir işarə, rişxənd idi.
 
 
5. Bir neçə gündən sonra keçirilən Portuqaliya-Mərakeş qarşılaşmasına Ronaldo yeni görüntüdə çıxdı - saqqalla. Oyundan sonra yeni imicini şərh edən portuqaliyalı ulduz saqqal saxlamasını komanda yoldaşları ilə etdiyi zarafat kimi dəyərləndirdi: ”İspaniya millisi ilə oyundan əvvəl üzümü qırxırdım. Komanda yoldaşlarıma dedim ki, çənəmdəki keçi saqqalını qırxmıram. Əgər ispanlara qol vura bisəm, bu saqqalı dünya çempionatının sonuna qədər saxlayacağam. Həm ispanlarla oyunda, həm də növbəti qarşılaşmada qol vurdum. Yəni, keçi saqqalı mənə uğur gətirdi”.
 
 
Düzdür, Ronaldo rəqabət apardığı Messinin adını çəkməyib. Amma onun keçi saqqalı məsələsində argentinalı ulduzu yada salması açıq- aşkar hiss olunur.
ŞƏRH YAZ
Şikayətinizi bizə yazın
Xəbərlərinizi bizə göndərin
WhatsApp: +994772701199

XƏBƏR LENTİ

Bütün xəbərlər
Bütün xəbərlər