Ru
20:24 / 26 Aprel 2017

Nəcməddin Sadıkov beynəlxalq müdafiə sərgisində - FOTO

898
Azərbaycan Respublikası Müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov Xorvatiya Respublikasının Split şəhərində keçirilən 4-cü "Adriatik Dəniz Müdafiə və Hava Məkanı Sərgisi”ndə iştirak edib.


Bu barədə BakiPost.az Müdafiə Nazirliyinin mətbuat xidmətinə istinadən məlumat verir.


Xorvatiya Müdafiə Nazirliyinin sponsorluğu və dəstəyi ilə keçirilən bu tədbirin məqsədi hərbi sənaye mütəxəssisləri və istehsalçıları ilə bu sahənin liderlərini, icraçılarını və siyasətini təyin edən rəsmilərini bir araya gətirmək və satınalma sahəsində müasir müdafiə texnologiyalarını müzakirə etməkdir.


Sərgidə 70-ə yaxın xarici nümayəndə heyəti və 500-dən çox yerli və xarici şirkətlər iştirak edir.


Açılış mərasimində Xorvatiyanın Prezidenti, Baş Nazirin müavini - Müdafiə Naziri və digər dövlət və hökumət rəsmiləri iştirak ediblər.


Səfər zamanı general-polkovnik N.Sadıkov sərgi ilə tanış olub və ikitərəfli görüşlər keçirib.

 

Bakı Post
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər