- Azərbaycanlılar yaralandı Moskvada qəza

Azərbaycanın Rusiyadakı səfirliyindən BakuPost-a verilən xəbərə əsasən, insident haqqında məlumat səfirliyə daxil olan kimi səfir Polad Bülbüloğlunun göstərişiylə soydaşlarımızın yerləşdiyi tibb müəssəsi ilə əlaqə saxlanılıb. Verilən məlumata görə, xəsarət alanların vəziyyəti qənaətbəxş olduğundan onlar evə buraxılıblar.

Xatırladaq ki, iyunun 16-sı Moskvanın mərkəzində taksi yolun kənarında duran piyadaları vurması nəticəsində 7 nəfər yaralanıb.

Qəzanın ilkin səbəbi kimi, sürücünün idarəetməni itirməsi göstərilir. Taksi sürücüsünün sözlərinə görə o, əyləc əvəzinə qazı basıb. Sürücü bölgə polis bölməsinə aparılıb. Hadisənin başvermə səbəbləri aydınlaşdırılır və yoxlamalar aparılır.

Yol hərəkətinin təşkili mərkəzindən verilən məlumata əsasən sürücü Qırğızıstanın respublikasının sürücülük vəsiqəsiylə nəqliyyat vasitəsini idarə edirdi. Sürücü hadisənin təsadüf nəticəsində baş verdiyini bildirib.