15:47 / 26 İyul 2017

Saatlıda qəbiristanlığı parka çevirdilər - VİDEO

11519

Saatlı rayonu Hacıqasımlı kənd sakini Vaqif Həsənov 10 ildən artıqdır ki, kənd qəbiristanlığına qulluq edir. Gününün böyük hissəsini bu məkanda keçirən Vaqif dayının əməyi sayəsində 6 hektar ərazisi olan qəbiristanlıq yaşıllıqlarla əhatələnən parkı xatırladır.

Hacıqasımlı kəndinin sakinləri deyir ki, əvvəllər qəbiristanlıq bərbad vəziyyətdə olub. Hər tərəfi kol-kos, digər yabanı bitkilərlə əhatələnən bu əraziyə vəhşi heyvanların, əqrəblərin və zəhərli sürünənlərin əlindən girmək mümkün olmayıb. Onların bir neçə il ərzində həll edə bilmədikləri bu problemi Vaqif Həsənov qısa müddətdə aradan qaldırmağı bacarıb. O, hətta qazılan məzarlardan su çıxma məsələsinin də həllinə nail olub.

200 ildən çox yaşı olan bu qəbiristanlıqda 4 mindən artıq müxtəlif növ ağac və gül kolları əkən Vaqif Həsənov təmənnasız gördüyü bu işləri özünə mənəvi borc hesab edir.

Vaqif Həsənovun yeganə istəyi qəbiristanlıqda gördüyü işlərin ondan sonra da davam etdirilməsidir.

BakuPost.az ARB TV qəbiristanlıqdan hazırladığı reportajı təqdim edir: