İngiltərənin Mançester şəhərində törədilən terror hadisəsi ilə bağlı məsuliyyəti terrorçu İŞİD qruplaşması öz üzərinə götürüb.
BakiPost.az xarici KİV-ə istinadən xəbər verir ki, bu haqda terrorçu qruplaşma video-çarx yayıb.
Rəsmi dairələr partlayışı terrorçu-kamikadzenin təkbaşına törətdiyini qeyd edib. Terrorçunun hadisə yerində öldüyü vurğulanıb: "Terrorçu təkbaşına fəaliyyət göstərib. Onun əlaltısının olub-olmaması araşdırılır. Terroru tördən kişi özü ilə birlikdə əldə qayırma partlayıcı qurğu gətirib və onu hadisə yerində işə salıb”.
Qeyd edək ki, mayın 23-də gecə saatlarında Britaniyanın Mançester şəhərində "Mançester-Arena” stadionunda amerikalı müğənni Ariana Qrande konsertində törədilən terror hadisəsi nəticəsində 22 nəfər ölüb, 50-dən çox adam yaralanıb.
Bakı Post