İranda səsvermənin vaxtı uzadıldı

İranda prezident seçkiləri ilə bağlı səsvermənin saat 18:00-da başa çatması nəzərdə tutulsa da, müddət axşam saat 20:00-dək uzadılıb. 
 
BakiPost.az-ın APA-ya istinadən məlumatına görə, səbəb arzu edənlərin hamısının səsvermədə iştirakını və rahat səs verə bilməsini təmin etməkdir.

Bu gün Tehran şəhərinin bir çox seçki məntəqələrində uzun növbələr yaranıb. Hətta bülletenlər çatmayıb və insanlar səs vermək üçün gözləməli olub.
 
Daxili işlər naziri Rəhmani Fəzli bildirib ki, seçkilərin nəticələri elan olunduqdan sonra 3 gün müddətində namizədlər etiraz edə bilər. Etirazları Konstitusiyaya Nəzarət Şurası araşdıracaq. Nazir deyib ki, seçki prosesində  təhlükəsizlik baxımından heç bir problem yaranmayıb.
 
Qeyd edək ki, əhalinin aktivliyinin 70 faizdən çox olacağı gözlənilir. İranda 56 milyon 410 min nəfər səsvermə hüququna malikdir.
 
Bakı Post
Şikayətinizi bizə yazın
Xəbərlərinizi bizə göndərin
WhatsApp: +994772701199

XƏBƏR LENTİ

18 Oktyabr 2017
Bütün xəbərlər
Bütün xəbərlər