İngiltərədə konsert zamanı terror - 22 ölü, 59 yaralı/ VİDEO/ YENİLƏNİB
2099
İngiltərənin Mançester şəhərində konsert zamanı partlayış baş verib.
BakiPost.az xəbər verir ki, partlayış nəticəsində 19 nəfər ölüb, 50-dək insan yaralanıb.
Polis hadisəni terror aktı kimi qiymətləndirib. Bu, 2005-ci ildə London metrosunda törədilən və 50 nəfərin ölümünə səbəb olan terror aktından sonra ən böyük terror hücumudur.
İnsident "Mançester-Arena”da, məşhur ABŞ müğənnisi Ariana Qrandenin konserti zamanı qeydə alınıb. Müğənninin nümayəndəsi Cozef Karrozu onun həyatına təhlükə olmadığını bildirib.
***
11:06
Bu gecə "Mançester Arena”da amerikalı müğənni Ariana Qrandenin konserti zamanı baş verən partlayışda ölənlərin sayı 22-yə çatıb.
BakiPost.az xarici KİV-ə istinadən xəbər verir ki, ölənlər arasında uşaqların olduğu deyilir. Hadisə nəticəsində 59 nəfər yaralanıb.