10:08 / 27 Mart 2017

İlk iş günü Bakı-Sumqayıt qatarında problem - 40 dəqiqə gecikdi

1235

Bayramdan sonra ilk iş günü Sumqayıt-Bakı elektrik qatarının hərəkətində problem yaranıb.

BakiPost.az xəbər verir ki, Sumqayıt vağzalında 08:50-də Bakıya gəlmək istəyən sərnişinlər yarım saatdan çox qatar gözləyib.

"Azərbaycan Dəmir Yolları” Qapalı Səhmdar Cəmiyyətinin İctimaiyyətlə əlaqələr şöbəsinin rəisi Sevinc Qədirova BakiPost.az-a açıqlamasında qatarın gecikmə səbəbini açıqlayıb və bir qatarın hərəkətində 40 dəqiqə gecikmə olduğunu bildirib: "Bu da Keşlə istiqamətindəki elektrik xətlərində yaranmış problemlə bağlıdır. Yəni 40 dəqiqə gecikmə məhz onunla əlaqədardır”.

Sevinc Qədirova qeyd edib ki, artıq elektrik xətlərindəki nasazlıq aradan qaldırılıb: "Qatarlar normal qrafiklə işləyir. Hərəkət bərpa olunub”.

Sevinc Yasinqızı

Bakı Post

Şərhlər

Seçilmiş Zəngimcell