Hakimiyyət Əli Abbasovu niyə bağışladı? - Pərdəarxası

..Bu tezislər sabiq rabitə və yüksək texnologiyalar naziri Əli Abbasovun ayrı-ayrı vaxtlarda istintaqa və mediaya dedikləridir. 

Keçmiş nazir bu etiraflarına baxmayaraq Azərbaycan Milli Elmlər Akademiyasında (AMEA) müşavir təyin olunub. 

BakuPost.az xəbər verir ki, onun nazir postuna kimi yüksəlişi təsadüfi olmayıb. 2000-ci ildən Milli Məclisin deputatı olmuş Əli Abbasov, nazir vəzifəsini əldə etmək istiqamətində uzun müddət gizli iş aparıb. 

Bunun üçün o, özünü ölkə rəhbərliyinə rabitə sahəsində yeni texnologiyaların mahir bilicisi kimi təqdim etdirməyə nail olub. 

Eyni zamanda sabiq rabitə naziri Nadir Əhmədova qarşı piar kampaniyasının da onun tərəfindən təşkil edildiyi istisna edilmir. 

Qısası, 20 fevral 2004-cü il tarixində Əli Abbasovun nazir postuna oturması, heç də çoxlarının fikirləşdiyi kimi, qəfil baş verməyib. 

 

BakuPost.az xəbər verir ki, bu tezislər isə RYTN-nin həbsdə olan sabiq aparat rəhbəri Vidadi Zeynalovun məhkəmədə söylədikləridir. Ancaq bir müddət keçir, susqunluğu ilə son ana qədər gözləyən Ə.Abbasov üzə çıxır. 

Sabiq nazirə "yaşıl işıq” yandırılır. 

Prokuror isə V.Zeynalova 14 il iş istəyir, çox güman ki, hakim azı 12 il iş kəsəcək.

 

Əvvəla ondan başlamaq lazımdır ki, Ə.Abbasov, İ.Məmmədov, V.Zeynalov, habelə "Aztelekom”un direktoru, "Azərpoçt” rəhbərliyi, Bakı Telefon Rabitəsi İstehsalat Birliyinin rəisi təkcə maliyyə maxinasiyalarında ittiham olunurdu? Qətiyyən.

BakuPost.az xatırladır ki, rabitədəki dəstə Milli Təhlükəsizlik Nazirliyindəki kök atmış bandanın əməllərinə şərik olmaqda suçlanırdı. 

 

Söhbət qanunsuz və gizli şəkildə vəzifəli şəxslərin dinlənilməsi, dinləyici qurğuların, cihazların yerləşdirilməsi və s. əməliyyatlarda MTN-nin sabiq şefi Eldar Mahmudovun qruplaşmasına dəstək verməkdən gedir. Amma bu ittihamlar qeyri-rəsmi idi. 

Elə Ə.Abbasov özü də istintaq ifadəsində etiraf edir ki, E.Mahmudovdan qorxduğu üçün onun təlimatlarına boyun əyib. 

Eks-nazir özünə bu şəkildə bəraət qazandıra bilər ki, səsini çıxara bilməyib və ölkənin onurğa sütunu olan təhlükəsizlik xidməti strukturunun rəhbərinin əmrlərinə tabe olub. 

Lakin məsələnin başqa tərəfi var - Mahmudovla Abbasovun bir-birindən işi keçib, xahişləri olub, qarşılıqlı anlaşma şəraitində əməkdaşlıq ediblər.  

Bu azmış kimi, təkcə qanunsuz dinləmələrdə birgə fəaliyyət olmayıb, nazirlikdə yüksək post tutan məmurlar MTN generallarına aylıq xərac veriblər. 

Bu faktlar məhkəmə və istintaq materiallarında da var. Sabiq nazir özü də ləğv edilmiş MTN-ə aylıq 800-900 min manat məbləğində "paket” verdiklərini istintaqa bildirib. 

Hakimiyyətin onu bağışlamasının bir detalı da vurduğu zərərləri qəpiyinə qədər ödəməsi ola bilər. Hətta V.Zeynalovun vəkili də iddia etmişdi ki, sabiq nazir 8 milyon ödəməli olub. Baxmayaraq ki, Ə.Abasovun vəkili bu informasiyanı təkzib edirdi.