Evlərdəki ən təhlükəli əşya - Dəriyə qorxulu mikroblar salır

2868
Mətbəx və hamamda istifadə olunan xovlu dəsmallar ailə üzvləri araslnda infeksion xəstəliklərin yayılmasına təkan verən ən təhlükəli əşya imiş.
 
BakuPost Medicina.az-a istinadən xəbər verir ki, alimlərin fikrincə, dəsmal bakteriyalar üçün tələdir. Hər dəfə üzü, əlləri sildikdən sonra dəsmal nəm halda asıldıqda orada bakteriyalar çoxalır. Siz yenidən həmin dəsmalı istifadə etdikdə o bakteriyalar üzə keçir. Əgər bir dəsmalı bir adam istifadə edərsə, problemin həcmi azalmış olur. Evdə bir dəsmalı hamı istifadə edərsə, təhlükə ikiqat, üçqat artır. 

Belə ki, insan müxtəlif yerlərdən əllərinə yığdığı mikrobu suda yaxalayıb, dəsmala silir. Mikrobların əksəriyyəti dəsmala keçir. 

Arizona Universitetinin mikrobioloqu Çarlz Gerbin araşdırmasına görə, dəsmalla bağırsaq çöpü, hətta salmonella da ötürülə bilər. Ən təhkükəlisi isə mətbəxdə əl altında olan əski və dəsmallardır. Çarlz təcrübə zamanı götürdüyü dəsmalların 89%-də bağırsaq bakteriyaları aşkar edib. Dəsmalın üzərindəki bakteriyaların sayı o yuyulana qədər saatbasaat artıb. Məlum olub ki, bakteriyalar nəm parçada daha sürətlə çoxalır. 

"Təxminən 2 gün asılqanda asılmış dəsmala üzünüzü silsəniz, siz başınızı unitaza saldığınız zaman nə qədər bakteriyaya yoluxacaqdınızsa, o qədər sayda bakteriyaya bulaşacaqsınız", - deyə alim əlavə edibş

Qızılı stafilakok üçün ən qidalı yer nəm dəsmallardır. Bəzi insanlar bu virusun daşıyıcısıdır və onların dərisində bu infeksiya var. Amma onlar bu virusla xəstələnmir. Daşıyıcının üz-gözünü sildiyi dəsmal digər immuniteti zəif insanı bu virusa yoluxdura bilər. 

Dəsmalla dəri və bağırsaq infeksiyalarına yoluxma daha çox salonlarda, idman klublarında, bir-birinə şəxsi gigiyena əşyalarını verənlər arasında yayılıb. 

Los-Anceles kollecinin futbol komandasında yayılan infeksiya məsələsindən sonra məlum olub ki, onlar eyni dəsmaldan istifadə edirmiş.

Əgər insanın üzündə, əlində kəsik, yara, cızıq varsa, mikroçatlar vasitəsilə dərinin daha dərin qatlarına infeksiya, mikrob düşə bilər. Bunlar isə ağır antibiotik müalicəsi ilə sağalır. 

Bu kimi problemdən qorunma yolu öz dəsmalının olması, onu heç kimə verməmək və dəsmalları gündəlik yumaqdır. Xüsusən dəsmalları qaynar suda yumaq lazımdır. 

Mətbəxdə isə birdəfəlik dəsmallardan, salfetlərdən istifadə məsləhətdir. 
ŞƏRH YAZ
Şikayətinizi bizə yazın
Xəbərlərinizi bizə göndərin
WhatsApp: +994772701199

XƏBƏR LENTİ

Bütün xəbərlər
Bütün xəbərlər