Ermənistan baş nazirinin seçiminin birinci səsvermə turu oktyabrın 24-də keçiriləcək.
BakuPost yerli KİV-ə istinadən xəbər ki, həmin gün qanunverici orqanın toplantısında yeni hökumət başçısını müəyyənləşdirmək üçün səsvermə olacaq.
Əgər səsvermədə yeni baş nazir seçilməzsə, o zaman 7 gündən sonra yeni seçki keçirilir. Baş nazir ikinici turda da seçilməzsə parlament buraxılır.
Qeyd edək ki, Ermənistan baş naziri Nikol Paşinyan oktyabrın 16-da parlamentin buraxılması və növbədənkənar seçkilərin keçirilməsi üçün istefa verib. Həmin gün Ermənistan prezidenti Armen Sarkisyan hökumətin istefası ilə bağlı sərəncam imzalayıb.