Erməni təxribatı ilə bağlı Bilefelddə etiraz aksiyası - FOTO

2017-ci il iyulun 4-də Ermənistan Silahlı Qüvvələrinin Azərbaycanın Füzuli rayonunun Alxanlı kəndini atəşə tutması nəticəsində 1967-ci il təvəllüdlü Quliyeva Sahibə və onun nəvəsi 2 yaşlı Quliyeva Zəhranın həlak olması ilə bağlı "Bielefeld NRW" Alman-Azərbaycan Mədəniyyət Cəmiyyəti tərəfindən iyulun 16-da Bilefeld şəhərinin mərkəzi küçəsi "Jahnplatz"da mitinq keçirilib.

Diasporla İş üzrə Dövlət Komitəsindən BakuPost.az-a verilən məlumata görə, aksiyada Ermənistan ordusunun vəhşiliyini göstərən plakat və banerlərdən istifadə olunub. İştirakçılar Ermənistanın işğalçılıq siyasətini pisləyən "Sarkisyan uşaq qatilidir”, "Terrora, təcavüzə dur deyirik”, "Mən Zəhrayam!”, "Zəhraya ədalət!” kimi şüarlar səsləndiriblər

Aksiyada Xocalı faciəsində həlak olmuş şəhidlər də yad edilib. Aksiyada Alman-Azərbaycan Mədəniyyət Evinin rəhbəri Təranə Tağıyeva, həkim Ruslan Cəfərli, Avropa Atatürkçü Düşüncə Dərnəyinin Bilefeld şöbəsinin rəhbəri Mehmet Ali Ölməz Alman və Azərbaycan dillərində çıxışlarında erməni vəhşilikləri barədə məlumat veriblər. Azərbaycan torpaqlarının işğaldan azad olunmasını, beynəlxalq ictimaiyyətin Ermənistanın təcavüzkar siyasətinə son qoyulması üçün qəti tədbirlər görməsini tələb ediblər.
 
 
BakuPost





Şikayətinizi bizə yazın
Xəbərlərinizi bizə göndərin
WhatsApp: +994502060266

XƏBƏR LENTİ

22 İyul 2017
Bütün xəbərlər
Bütün xəbərlər