Eldar Əzizov bu qurumun fəaliyyətini DAYANDIRDI

BakuPost Unikal.org-a istinadən xəbər verir ki, Eldar Əzizov Mənzil-Kommunal Təsərrüfatı Departamentinin balansındakı, sahibsiz heyvanlarla mübarizəyə cavabdeh olan Sanitariya və Texniki təmizlik İdarəsinin fəaliyyətinin müvəqqəti dayandırılması ilə bağlı göstəriş verib.

Sabunçu rayonunun Balaxanı qəsəbəsində yerləşən idarədə təmir-tikinti işləri aparılır. Yeni layihədə heyvanlar üçün müasir sığınacaqların salınması və müasir mərkəzin qurulması nəzərdə tutulur. Bu səbəbdən də sahibsiz küçə heyvanları ilə bağlı müraciətlərə baxılmır.

Qeyd edək ki, sözügedən xəbəri Bakı Şəhər İcra Hakimiyyətindən təsdiqləyiblər.