Xeyli müddətdir aralarında düşmən münasibəti hökm sürən Ukrayna Azərbaycanlıları Birləşmiş Diasporunun sədri Hikmət Cavadovla Birləşmiş Ukrayna Azərbaycanlıları Konqresinin sədri Rövşən Tağıyev barışıb və təşkilatların birləşdirilməsi barədə razılıq əldə olunub.
BakuPost.az xəbər verir ki, bu hadisə Diaspor Komitəsinin sədri Fuad Muradovun təkidi ilə baş tutub.
Qərara gəlinib ki, hər iki təşkilatın nümayəndələrinin iştirakıyla birgə İşçi Qrupu yaradılsın və bu İşçi Qrup yaxın bir ay ərzində Ukrayna Azərbaycanlılarının Koordinasiya Şurasını yaratmaq layihəsi üzərində işləyib razılığa gəlinsin.