- Dəbdəbəli villadan çıxdı, maaşları kəsdi... Böhran Asim Mollazadəni də vurdu

Deputat Modern.az-a bildirib ki, heç də ofisdən çıxmasının səbəbi maliyyə çatışmazlıqları deyil: "Nəsimi rayonunda ofis axtarışındayıq.

 

Yaxın müddət ərzində yeni ofisə köçəcəyik. Yeni binada məskunlaşacağıq. Burada əsas səbəb maliyyə çatışmazlıqları deyil. Burada əsas səbəb ofisin bizi qane etməməsidir”.

 

***

BakiPost.az-a daxil olan məlumata görə, deputat partiya üçün kirayə götürdüyü, Nəsimi rayonu, Sabit Rəhman küçəsi 7 ünvanında yerləşən dəbdəbəli villadan çıxmaq məcburiyyətində qalıb.

A.Mollazadənin 10 ildən artıq bir müddətdə qərarlaşdığı ofis-villadan çıxmasına səbəb kimi ciddi maliyyə çatışmazlıqlarının olduğu bildirilir. Məlumata görə, o, partiyanın qərargahında çalışanların maaşlarını tamamilə kəsib, maliyyələşdirdiyi bəzi layihələrdən imtina edib. Hazırda ADİP-də anlaşılmaz bir vəziyyət hökm sürür. 

 

Əldə etdiyimiz məlumata görə, partiya sədri, deputat seçildiyi Nəsimi rayonu ərazisində daha uyğun qiymətə kiçik ofis axtarışındadır.

Məsələ ilə bağlı millət vəkilinin mövqeyini öyrənmək istəsək də, telefon zənglərimizə cavab vermədi.