09:45 / 25 Sentyabr 2018

Bakı Tekstil Fabrikindən Azərbaycana hörmətsizlik - Hamı bu etiketdən danışır/ FOTOFAKT

4047

Bir neçə gündür, Bakı Tekstil Fabrikinin istehsalı olan məhsulun üzərindəki etiket sosial şəbəkələrdə müzakirə olunur.

BakuPost xəbər verir ki, etiketə "Made in Azerbaijan” brendi vurulsa da, 3 sözdən ibarət cümlədə 2 səhvə yol verilib. Birincisi, Azərbaycan sözü ölkəmizin adı və xüsusi isim olduğu halda kiçik hərflə yazılıb. İkincisi isə ingilis dilində və brendin özündə söz "Azerbaycan” yox, "Azerbaijan” yazılır, lakin etiketdə "azerbaycan” deyə qeyd olunub.

Bundan başqa, etiketdə məhsulun yuma qaydalarında da yanlışlığa yol verilib. Belə ki, etiketdə məhsulun əllə yuyulmasını qadağan edən işarə qoyulub, amma paltaryuyan maşında neçə dərəcə temperaturda yuyulmalı olduğu göstərilməyib.