Ekologiya və Təbii Sərvətlər Nazirliyi tərəfindən yaradılan qərargahın Badamdar-20-ci sahə avtomobil yolunun sağ kənarındakı sürüşmə zonasında apardığı monitorinqin nəticələri açıqlanıb.
Nazirliyin mətbuat xidmətindən BakuPost-a verilən məlumata görə, saat 21:00-a olan məlumata əsasən sürüşmə ərazisində gərginlik qalmaqdadır. Sürüşmə kütləsi üzərində ciddi dəyişiklik baş verməyib. Lakin ara-sıra uçqunlar müşahidə edilir.
***
18:55
Badamdar şossesində baş verən sürüşmə zonasında gərginlik davam edir.
Ekologiya və Təbii Sərvətlər Nazirliyi tərəfindən yaradılan Qərargahdan BakuPost-a verilən məlumata görə, sürüşmə zonasında saat 18:00-a olan məlumata görə sürüşmə kütləsi üzərində qismən dəyişiklik baş verib.
Məlumata görə, sürüşmə kütləsi üzərində asılı vəziyyətdə olan torpaq kütlələrində xırda uçqunlar baş verir.