AzTV sədrinə sensasiyalı ittihamlar: “Evimi, torpağımı əlimdən alıb...”

Şamaxıda fermer təsərrüfatı yağmalanıb, toyuq, hinduşka, həmçinin

"Aqrolizinq” ASC-dən icarəyə götürülmüş traktorları aparılıb


Şamaxı rayonu Qızmeydan kəndinin sakini Səlimə Sadıqova ilə Kənd Təsərrüfatı Nazirliyinin "Aqrolizinq” açıq səhmdar cəmiyyəti arasında borc üstündə mübahisə yaranıb. Cəmiyyət haqlı olaraq S.Sadıqovadan icarəyə götürülmüş texnika ilə bağlı yaranmış 4.455 manat borcu tələb edir. Lakin, sözügüdən texnika aparılıb və şikayətçinin fermer təsərrüfatı dağıdılıb.

 

 

Bu barədə BakuPost.az-a məlumat verən S.Sadıqova bildirib ki, AzTV QSC-nin rəhbəri Arif Alışanovun həbs etdirdiyi keçmiş həyat yoldaşı Şücayət Əkbərovdan üç il əvvəl ayrılıb. Boşanmadan sonra ona düşən əmlakı məhkəmə yolu ilə alaraq ayrıca təsərrüfat yaradıb. "Lakin buna baxmayaraq, Alışanovun istintaq qrupu keçmiş həyat yoldaşımın ayağına yazdığı saxta cinayət işi ilə heç bir əlaqəsi olmadığı halda mənim də Çuxuryurd kəndində 20 il əvvəl tikilmiş evimi və torpağımı əlimdən alıb əvəzsiz olaraq AzTV sədrinin bacısı qızı Nilufər Cəfərovanın adına keçiriblər”.

 

 

C.Sadiqova daha sonra bildirib ki, A.Alışanov qohum-əqrabalarına məxsus olan və lizinqə götürdükləri iki traktoru, bir transfarmatoru, Çuxuryurd və Mədrəsə kəndlərindəki həyətyanı sahədə və fermada saxladıqları 300-dən çox toyuq və hinduşkanı, 150-dən çox qoyunu, anbardakı tonlarla taxılı, 46 baş iri-buynuzlu mal-qaranı da ata malı kimi ələ keçirərək onlarca insanı işsiz və çörəksiz qoyublar.

 

 

 

Şikayətinizi bizə yazın
Xəbərlərinizi bizə göndərin
WhatsApp: +994772701199

XƏBƏR LENTİ

17 Oktyabr 2017
Bütün xəbərlər
Bütün xəbərlər