Astaranın Şiyəkəran kəndində Ərəstun İmanova məxsus yaşayış evi son günlər ilanların hücumuna məruz qalır.
BakuPost.az-ın Xəzər TV-yə istinadən məlumatına görə, ev sakinləri bildirir ki, havaların isti keçməsi ilə ilanlar daha da aktivləşib.
Artıq bir neçəsini öldürsələr də, ilanlardan yaxa qurtarmaq mümkün olmayıb.
Sakinlər deyir ki, qonşudakı evdə heç kim yaşamır. Sözügedən evdə bir neçə ildir yaşayış olmadığından həmin həyətdə bir neçə növ ilanın məskən saldığı ehtimal edilir.
Hadisə ilə bağlı aidiyyəti qurumlara hələlik müraciət olunmayıb.
BakuPost