Ukraynanın "Şaxtyor" klubunun sabiq qapıçısı Anton Kanibolotskinin "Qarabağ"a keçmə səbəbi müəyyənləşib.
BakuPost.az qol.az-a istinadən xəbər verir ki, bu barədə 29 yaşlı qolkiperin meneceri Vadim Şablin öz "İnstagram" səhifəsində yazıb.
O bildirib ki, Kanibolotski "Şaxtyor"da Andrey Pyatovun əvəzedicisi statusu ilə kifayətlənməməyi qərara alıb və karyerasında çox maraqlı çağırışı qəbul edib: "Şübhə etmirəm ki, Anton Azərbaycanın ən güclü klublarından birində sabit oyun praktikası, habelə, Çempionlar Liqasının qrup mərhələsinə düşmək imkanı qazanacaq".
Qeyd edək ki, Anton Kanibolotski 2012-ci ilin yayında "Şaxtyor"a keçib. O, ötən mövsüm Donetsk komandasının üçüncü qapıçısı kimi Ukrayna çempionatının cəmi 1 oyununa çıxıb.
BakuPost