Ağır yanıq xəsarətləri almış qadın xəstəxanada öldü - FOTO

"Report"un qərb bürosu xəbər verir ki, hadisə yanvarın 13-də rayonun Tatarlı kəndində baş verib. İkinci qrup əlil Nəhayət Cabbarova yaşadığı evin həyətindəki hamam sobasını yandırmaq istəyərkən ağır yanıq xəsarətləri alıb.

N. Cabbarova yaxınlarının köməyi ilə Goranboy Rayon Mərkəzi Xəstəxanasına çatdırılaraq reanimasiya şöbəsinə yerləşdirib və ona tibbi yardım göstərilib.

Həkimlərin sözlərinə görə, dördüncü dərəcəli yanıq xəsarətləri almış N. Cabbarova bu gün səhər saatlarında xəstəxanada dünyasını dəyişib.

 

Qeyd edək ki, qadın ata evində qardaşı ilə birgə yaşayırmış.