250 yaşlı Quran kitabları tapıldı - FOTOLAR

"Report”un Aran bürosu xəbər verir ki, Şeyx Əhməd Salyaniyə məxsus olan bu kitablar kitabxananaın xüsusi şöbəsində qorunaraq saxlanılır.

Salyan şəhər mərkəzi kitabxanasında bir neçə ildir "Kitab abidələr”i mövcuddur ki, həmin kitablar dövlət reyestr xidmətində qeydiyyatdan keçərək xüsusi şöbədə saxlanılır. Kitabxananın Mübadilə şöbəsində qorunan 114 adda "Kitab abidələr”in 1 əsrdən çox yaşı var ki, bunlardan 69-u lüğət tərkibli, 15-i söz birləşmələri haqda ensiklopedik lüğət, 6-sı isə yer planetindən bəhs edən ensiklopediyadır. Qalanları "Qurani-Kərim” kitabının nümunələridir. Bu günlərdə evlərdə saxlanılan daha bir neçə qədim kitab kitabxanaya hədiyyə verilməklə "Kitab abidələr”nin siyahısını daha da zənginləşib.

Şeyx Əhməd Salyaniyə məxsus Quran kitablarının hər ikisi xəttatlar tərəfindən əllə yazılıb. Deyilənlərə görə, Şeyx Əhməd Salyani təxminən 1865-ci ildə həmin bu kitablardan istifadə edib. Ondan yadigar qalan bu kitablar isə 1937-ci il repressiya qurbanı olan Salyanın nüfuzlu din xadimi Mirbağır ağa Ağazadə tərəfindən ələ keçməməsi üçün torpağa basdırıb. Qazıntı zamanı bir neçə il bundan öncə həmin kitablar aşkar edilib və şəxsi evlərdə qorunaraq saxlanılıb.

1812-ci ildə Salyanda doğulub, 1887-ci ildə Tiflisdə dünyasını dəyişmiş, dövrünün görkəmli islamşünas alimi, Qafqaz müsəlmanlarının III şeyxülislamı olan Şeyx Əhməd Salyani Qafqaz müsəlmanlarının I şeyxülislamı Məhəmmədəli Hüseynzadənin oğlu, dahi mütəfəkkir Əli bəy Hüseynzadənin babasıdır.