Tovuzda bir nəfərin xəsarət alması ilə nəticələnən yol qəzası baş verib.
BakuPost APA-ya istinadən xəbər verir ki, rayonun Yanıqlı kəndi ərazisində hərəkətdə olan "Niva” markalı avtomobilin başqa bir maşınla toqquşması nəticəsində kənd sakini, 1977-ci il təvəllüdlü Paşayev Fəxrəddin Xaləddin oğlu bədən xəsarətləri alaraq xəstəxanaya yerləşdirilib.
Ona tibbi yardım göstərilib, vəziyyətinin normal olduğu bildirilir.
Faktla bağlı araşdırma aparılır.